काठमाडौँ । नेपाली उपभोक्तालाई गुणस्तरीय ढोका उपलब्ध गराउन स्थापित नेपाल डोर नामक कम्पनी उपभोक्ता माझ चिरपरिचित ब्राण्ड हो । अमेरिकामा एक दशकभन्दा धेरै समय बिताएर नेपाल फर्किएका युवा उद्यमी योगेन्द्रजङ्ग बस्नेतले नेपालमा गुणस्तरीय ढोको अभाव देखेपछि यो व्यवसाय सुरु गरेका हुन् ।
‘नयाँ घर, अफिस वा अन्य ठुला भौतिक संरचना निर्माण गर्दा नेपालमा गुणस्तरीय ढोका उपलब्ध नहुने समस्या महसुस गरेपछि मैले नेपालमा ढोका उत्पादन सुरु गरेको हुँ,’ बस्नेतले भने, ‘नेपाल डोरले उत्पादन गरेका ढोकाको गुणस्तर अन्तर्राष्ट्रिय स्तरको छ । नेपाल डोर प्रयोग गर्ने उपभोक्ताले सजिलै फरक महसुस गर्नुहुनेछ भन्नेमा म विश्वस्त छु ।’
पछिल्लो समयमा नेपाली उपभोक्ता चीन र मलेसियाबाट आयातित कमसल गुणस्तरका ढोका प्रयोग गर्न बाध्य भएको कम्पनीको भनाई छ । कमसल कच्चा पदार्थ प्रयोग गरि बनाइएका यी ढोकाहरू नेपालमा परम्परागत रूपमा निर्माण गरिएका ढोकाको तुलनामा पनि न्यून गुणस्तरमा उपलब्ध रहेको कम्पनीको दाबी छ ।
बस्नेत नेपालको सामाजिक क्षेत्रमा समेत सक्रिय व्यक्ति हुन् । नेपाली मूलधारको पत्रकारितामा सफल फोटो पत्रकारको पहिचान बनाएका उनी अमेरिकामा एक दशकसम्म फोटोग्राफीमै क्रियाशील रहेका थिए । ‘अमेरिकाबाट फर्केपछि मलाई नेपालमा उद्यमशीलता गर्नुपर्छ भन्ने हुटहुटी थियो । अवसरका क्षेत्र खोज्दै जाँदा मैले नेपाल डोरको आईडियालाई कार्यान्वयन गरेको हुँ’ बस्नेतले भने– म व्यवसायका लागि मात्रै यो काममा जोडिएको होइन । केही नयाँ काम नयाँ अध्याय सुरु गर्नुपर्छ भनेर मैले यो काम गरिरहेको छु । अहिले बजारबाट अत्यन्तै सकारात्मक फिडब्याक पाउँदा मलाई सन्तुष्टि मिलेको छ ।’
नेपाल डोरले चितवनको भरतपुरमा अत्याधुनिक कारखाना सञ्चालन गरेको छ । यस कारखानाबाट मोल्डेड स्किन डोर उत्पादन भएपछि नेपाली बजारमा उच्च गुणस्तरीय ढोका उत्पादनमा नयाँ युगको सुरुवात भएको विश्वास गरिएको छ ।
हाल नेपाल डोरका उत्पादन काठमाडौँ, पोखरा, चितवन, बुटवल, भैरहवा, इटहरी, लम्की, कैलाली, महेन्द्रनगर, बनेपा, धादिङमा उपलब्ध छन् । मार्केटिङ चेनको विस्तार गर्दै उत्पादनलाई देशव्यापी बनाउने लक्ष्य नेपाल डोरले लिएको छ ।
नेपाल डोरको मुख्य लक्ष्य भनेको उपभोक्ताको घर, कोठा, कार्यालय, बालकनी, बाथरुम वा धुलाई कोठाका लागि शतप्रतिशत वाटर प्रुफ ढोका उपलब्ध गराउनु हो । नेपाल डोरले उच्चतम मापदण्ड पालना गर्दै उत्कृष्ट ग्राहक अनुभव प्रदान गर्न केन्द्रित रहेको कम्पनीका अध्यक्ष बस्नेत बताउँछन् ।
