नेकपाका केन्द्रीय सदस्य तथा राष्ट्रिय युवा परिषद्का कार्यकारी उपाध्यक्ष माधव ढुंगेलले भ्रमपूर्ण समाचार प्रशारण गर्नु दु:खद भएको बताएका छन । ढुंगेलले जिम्मेवार मिडियाको न्यूज हचुवा र पुर्वाग्रही भएको र आफुँमाथी लगाएको आरोप पुष्टी गरेर देखाउन चुनौती दिएका छन् ।
कान्तिपुर टेलिभिजनले ढुंगेलमाथी “राष्ट्रिय युवा परिषदमा सिन्को नभाँचेका माधव ढुंगेललाई पुनः जिम्मेवारी” भन्दै समाचार सम्प्रेषण गरेपछि आरोपको खण्डन गर्दै पुष्टी गरेर देखाउन चुनौती दिएका हुन ।
मिडिया भनेको तत्थ्य परक हुनुपर्छ, हचुवाको भरमा नियतवस कसैलाई सिध्याउने खेल खेल्नु हुदैन झन राज्यको जिम्मेवार मिडियाले यस्तो समाचार सम्प्रेषण गर्नु त झनै दुखद पूर्ण भएको उनले अखबारपत्र सँग बताए । पहिलो कार्यकालमा ७०० भन्दा बढी कार्यक्रम गरेको परिषद्ले केही गरेन भन्नू दु:खद भएको र जिम्मेवार मिडियाले भ्रमपुर्ण समाचार प्रशारण गरेकोमा दु:ख समेत व्यक्त गरे ।
