रुपन्देही जिल्लाको सैनामैना नगरपालिका वडा नम्बर ५ स्थित बुद्धनगरमा पूर्वबाट पश्चिमतर्फ जादै गरेको मालवाहक ट्रकले ठक्कर दिँदा एकजना पैदल यात्रुको मृत्यु भएको छ ।
मृत्यु हुनेमा सैनामैना नगरपालिका वडा नम्बर ६ का १६ वर्षीय विनोद विक रहेको इलाका प्रहरी कार्यालय सालझण्डीका प्रहरी निरीक्षक कमल परियारले जानकारी दिनुभयो ।
वीरगञ्जबाट धनगढीतर्फ जादै गरेको ना ६ ख ५७०२ नम्बर को ट्रकले शुक्रबार बिहान विकलाई ठक्कर दिएर गम्भीर घाइते बनाएको प्रहरीले जनाएको छ ।
लुम्विनी प्रादेशिक अस्पतालमा उपचारका क्रममा विकको मृत्यु भएको प्रहरी निरीक्षक परियारले बताउनुभयो । प्रहरीले चालक र गाडीलाई नियन्त्रणमा लिएको छ ।
