अखबारपत्र : काठमाडौं, मंसिर ६। नेपालमा पछिल्लो २४ घण्टामा १६७४ जना कोरोना संक्रमित थपिएका छन् भने थप ७ जनाको मृत्यु भएको छ ।
यो सँगै नेपालमा कोरोना संक्रमितको संख्या २ लाख १८ हजार ६३९ पुगेको छ । साथै संक्रमणबाट मृत्यु हुनेको कुल संख्या १३०५ पुगेको स्वास्थ्य तथा जनसंख्या मन्त्रालयले जनाएको छ ।
हालसम्म कोरोनाका सक्रिय संक्रमितको संख्या २४ हजार ९ रहेको स्वास्थ्य तथा जनसंख्या मन्त्रालयले जनाएको छ ।
यस्तै पछिल्लो २४ घण्टामा थप २३२३ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म १ लाख ९३ हजार ३२५ पुगेको छ ।
