अखबारपत्र: कात्तिक, काठमाडौं ९। पछिल्लो २४ घण्टामा देशभर २ हजार ८५६ संक्रमित थपिएको छ । यस मध्य काठमाण्डौ उपत्यकामा मात्र १५ सय ३५ जनामा कोरोनाभाइरसको संक्रमण पुष्टि भएको छ ।
उपत्यकामा ९०६ जना पुरुष र ६२९ जना महिला रहेका छन् ।
पछिल्लो २४ घण्टामा १२ हजार ३११ जनाको परीक्षण गरिएको थियो । योसँगै नेपालमा कूल संक्रमितको संख्या १ लाख ५८ हजार ८९ पुगेको छ । सक्रिय संक्रमित ४५ हजार ५७२ जना रहेका छन् ।
पछिल्लो २४ घण्टामा ३ हजार ३३६ जना निको भएका छन् भने ५ जनाले ज्यान गुमाएका छन् । योसँगै मृत्यु हुनेको संख्या ८५७ पुगेको छ ।
