अखबारपत्रः काठमाडौं, कात्तिक २ । बहुचर्चित वेब सेवा कम्पनी याहुको “याहु ग्रुप्स” आउँदो मङ्सिर ३० (१५ डिसेम्बर) गते देखि बन्द हुने भएको छ ।
याहु ग्रुप्सले सोमबार आफ्ना प्रयोगकर्ताहरुलाई इमेल पठाएर सन् २०२० डिसेम्बर १५ तारिखदेखि आफ्ना याहु ग्रुप्सको सेवा बन्द गर्ने निर्णय गरिएको जानकारी गराएका छन्। अक्टोबर १२ देखि नयाँ ग्रुप बनाउन नमिल्ने र डिसेम्बर १५ देखि याहू ग्रुप्सबाट ईमेलहरू पठाउन र प्राप्त गर्न सकिदैन। वेबसाइट पनि बन्द हुने जनाएको छ ।
याहू ग्रुप्सको पछिल्ला समयमा लगातार गिरावट थियो । याहू! ग्रुप्स विश्वको अनलाइन छलफल बोर्डहरूको सबैभन्दा ठूलो सङ्ग्रह हो।
प्रयोगकर्ताले पठाएको र प्राप्त गरेका ईमेलहरू ईमेलमा रहनेछ भने डिसेम्बर १ देखि भने कुनै पनि सदस्यहरुले सन्देश पठाउने वा प्राप्त गरिने छैन।
याहु ग्रुप्स बन्द भएतापनि “याहु मेल” भने कुनै असर नहुने याहुले जनाएको छ । याहु मेलबाट इमेल पठाउन प्राप्त गर्न सकिने छ।
