अखबारपत्रः काठमाण्डौ,
असोज १२। नेपालमा कोरोना संक्रमणबाट थप ४ जनाको मृत्यु भएको छ । योसँगै नेपालमा कोरोना संक्रमणबाट ज्यान गुमाउनेको संख्या ४८१ पुगेको छ ।
त्यस्तै आज १ हजार ३५१ कोरोना संक्रमित थपिएसँगै नेपालमा कोरोना संक्रमितको संख्या ७४ हजार ७४५ पुगेको छ । जसमध्ये १९ हजार ६२४ सक्रिय संक्रमित छन् ।
काठमाडौं उपत्यकामा मात्र ८१७ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार आज काठमाडौंका ६४९, ललितपुरमा १३२ र भक्तपुरमा ३६ जनामा कोरोना संक्रमण देखिएको हो ।
यसैगरि पछिल्लो २४ घण्टामा ७४२ कोरोना संक्रमित निको भएका छन् । योसँगै नेपालमा निको हुनेको संख्या ५४ हजार ६४० पुगेको छ ।
