अखबारपत्र : इण्डोनेसियाको राजधानी जाकार्ताबाट उडेको एउटा विमान सम्पर्क विहीन भएको छ । उक्त विमानमा ५० भन्दा बढी यात्रु सवार थिए ।
अधिकारीहरुका अनुसार श्रीविजया एयरको बोइङ ७३७ वेष्ट कलिमनतन प्रान्तको आकासमा सम्पर्क विहीन भएको हो । फ्लाइट रायर २४ का अनुसार यो विमान एक मिनेटभन्दा पनि कम समयमा १० हजजार फिट तल आएको थियो ।
राजधानी जकार्तामा बोइंग ७३७ को हवाई यातायात नियन्त्रणसँगको सम्पर्क गुमेपछि उडान इन्टरनेसनल श्रीविजय एयरको जहाज समुद्रमा दुर्घटनाग्रस्त भएको आशंका छ । उडानको केही मिनेट पछि उडान ट्र्याकिंग डाटाको साथ बोइंग ७३७ को सम्पर्कबाट हरायो।
बोइंग ७३७ अपराह्न २:३० (0730 GMT) रडार स्क्रीनबाट गायब भएको थियो । इन्डोनेसियाका यातायात मन्त्री बुडी कर्याले एक न्यूज कन्फरेन्समा भने कि १२ जना चालक दल लगायत ६२ जना सवार थिए।
जहाजको ट्रयाकिङ गर्ने वेबसाइट फ्लाइट राडार ट्वेण्टी फोरका अनुसार जहाज १ मिनेटको अन्तरमा १० हजार फिट तल झरेको थियो। इण्डोनेसियाको यातायात मन्त्रालयले जहाजको खोजी भइरहेका बताएको छ।
